Elordalyq komýnaldyq qyzmetter shtattyq rejımde jumys istep jatyr. Keshe táýlik ishinde qaladan 42 myń tekshe metrden astam qar shyǵaryldy. Bul týraly Astana qalasy ákiminiń baspasóz qyzmetine «Astana Tazalyq» JSHS habarlady, dep jazady Qamshy.kz aqparat agenttigi.

«Táýlik ishinde Astanada 42 726 tekshe metr qar shyǵaryldy. Sonyń ishinde, «Astana Tazalyq» JSHS 12 473 tekshe m, «Astana-kógaldandyrý qurylysy» AQ 1 932 tekshe m jáne merdiger uıymdarmen 28 321 tekshe m qar shyǵaryldy», - delingen habarlamada.

Aǵymdaǵy jyldyń 17 qańtarynda kóshe tazalaý jumystaryna 321 jol qyzmetkeri, sondaı-aq, 578 arnaıy tehnıka jumyldyryldy. Sonymen qatar, ótken táýlikte qala joldaryna 225 tekshe metr tuzdy qum sebildi.

Aıta keteıik, Astanada qar shyǵarý jumystary jumys kúnderi, demalys jáne mereke kúnderi táýlik boıy júrgiziledi.